慶生

前幾天是在下的生日，就是廿幾年前我出生那天。我和唯一在我生日之前問我想做乜的朋友說過想低調，生日就低調下來，真的，本該就是如此。上年熱熱鬧鬧，真 的只是高調地給大家一個位置去飲酒。今年靜下來，知道自己只是長大了的嬰兒在六合彩的搞珠盤裡游來游去，年長了也不等如成長了，確是沒啥好慶祝。然後，只 要低調，其實真的會少了許多沒必要的對答和祝賀，而那天聽到生日快樂的，也真的會快樂起來，因為那些人真的無啦啦記你在心中。然後，也有人跟我說唔好意思 呀，唔記得左！補請吃飯兩餐在輪候。說真的，我半點也不介意，因為我也會忘記你的生日，不在今年，也總有一年，將心比記，你怪不得我，我也不怪你。然後， 那些補祝的...補鬼補馬咩...過左就過左，當生日都沒啥好慶祝時，無啦啦做乜要請吃飯。唔記得咁過左人地生日然後想請吃飯補祝的，其實好兀突囉，個人 認為，俾我我會詐唔知就算囉，我亦希望大家咁對我，如果睇完呢篇發覺自己唔記得左又妄想想做D事的人。其實，補祝唔係壞事，只係我根本唔會覺得係一回事。 話唔介意，自己又真係係生日畫分左一些人。禮物法國私房菜長途電話SMS本港電話，多謝，心領神會。我會記得今年有你們。